Нууцлалын бодлого

1.1. Энэхүү Нууцлалын бодлого нь Монгол Улсын Хүний хувийн мэдээлэл хамгаалах тухай хууль болон холбогдох хууль тогтоомжид нийцүүлэн Loca Платформыг ашиглахтай холбоотойгоор Хэрэглэгчийн хувийн мэдээллийг цуглуулах, боловсруулах, ашиглах, хадгалах, дамжуулах, хамгаалахтай холбоотой харилцааг зохицуулна.

1.2. Loca (цаашид “Бид” эсхүл “Мэдээлэл хариуцагч” гэх) нь Loca Платформыг ашиглаж буй Хэрэглэгчийн хувийн мэдээллийг энэхүү Нууцлалын бодлого, Үйлчилгээний нөхцөл болон холбогдох хууль тогтоомжийн хүрээнд боловсруулна.

1.3. Энэхүү Нууцлалын бодлого нь Loca-ийн вебсайт, мобайл аппликэйшн, түүнтэй холбоотой цахим интерфейс, функц, мэдээллийн сан болон бусад дижитал үйлчилгээ (хамтад нь “Платформ” гэх)-г ашиглаж буй Зочин, Бүртгэлтэй хэрэглэгч, Бизнес, Эзэмшигч болон бусад Хэрэглэгчид хамаарна.

1.4. Энэхүү Нууцлалын бодлогод хэрэглэсэн дараах нэр томьёог дор дурдсан утгаар ойлгоно:

•“Хэрэглэгч” гэж Платформд зочин байдлаар хандаж буй, Аккаунт үүсгэсэн, эсхүл Платформын аливаа функцийг ашиглаж буй хувь хүнийг;

•“Хувийн мэдээлэл” гэж Хэрэглэгчийг шууд эсхүл шууд бусаар тодорхойлох, эсхүл тодорхойлох боломжтой мэдээллийг;

•“Цуглуулах” гэж Хувийн мэдээллийг олж авах, бүртгэх, хүлээн авах үйл ажиллагааг;

•“Боловсруулах” гэж Хувийн мэдээллийг хадгалах, ангилах, ашиглах, дамжуулах, өөрчлөх, устгах, нэргүйжүүлэх болон түүнтэй холбоотой бусад үйл ажиллагааг;

•“Мэдээлэл эзэн” гэж Хувийн мэдээлэл нь хамаарах Хэрэглэгчийг;

•“Нэргүйжүүлэх” гэж Хувийн мэдээллийг тухайн Хэрэглэгчийг шууд тодорхойлох боломжгүй хэлбэрт шилжүүлэх үйл ажиллагааг.

1.5. Хэрэглэгч нь Платформд бүртгүүлэх, нэвтрэх, Контент оруулах, Чат ашиглах, Эзэмших хүсэлт гаргах эсхүл Платформын бусад функцийг ашиглахаас өмнө энэхүү Нууцлалын бодлоготой танилцана.

1.6. Энэхүү Нууцлалын бодлого нь Loca-ийн Үйлчилгээний нөхцөлийн салшгүй хэсэг байна. Платформ ашиглахтай холбоотой эрх, үүрэг, Контент, Чат, Бизнесийн профайл, модерац болон бусад ашиглалтын нөхцөлийг Үйлчилгээний нөхцөлд, харин Хувийн мэдээллийн боловсруулалттай холбоотой асуудлыг энэхүү Нууцлалын бодлогод тус тус зохицуулна.

1.7. Loca нь Хувийн мэдээллийг зөвхөн энэхүү Нууцлалын бодлогод тодорхойлсон зорилго, хууль ёсны үндэслэл, шаардлагатай тохиолдолд Хэрэглэгчийн зөвшөөрлийн хүрээнд боловсруулна.

2.1. Loca Платформтай холбоотой Хувийн мэдээллийн Мэдээлэл хариуцагч нь Монгол Улсын хууль тогтоомжийн дагуу байгуулагдсан Loca байна.

2.2. Мэдээлэл хариуцагчийн холбоо барих мэдээлэл:

•Мэдээлэл

•Вебсайт / домэйн — www.loca.mn

•Нууцлал, Хувийн мэдээллийн асуудал хүлээн авах имэйл — info@loca.mn

•Холбоо барих утас — 7288-4030

2.3. Хэрэглэгч Нууцлалын бодлогын хэрэгжилт, Хувийн мэдээлэлтэй холбоотой асуулт, санал, хүсэлт, гомдол болон бусад асуудлаар 2.2-т заасан нууцлалын имэйл хаяг, эсхүл Loca-аас Платформ дээр албан ёсоор зарласан бусад сувгаар Мэдээлэл хариуцагчид хандаж болно.

2.4. Loca нь Хэрэглэгчийн хүсэлт, гомдол, мэдээлэлтэй холбоотой асуудлыг шийдвэрлэхийн өмнө хүсэлт гаргагчийн хэн болохыг баталгаажуулах, мөн хүсэлттэй холбоотой нэмэлт тайлбар, баримт эсхүл мэдээлэл шаардаж болно.

2.5. Хувийн мэдээлэл хамгаалахтай холбоотой эрх, хүсэлт, гомдол гаргах болон шийдвэрлэх дэлгэрэнгүй журмыг энэхүү Нууцлалын бодлогын 7 дугаар бүлэгт заана.

3.1. Loca нь Хэрэглэгчийн Хувийн мэдээллийг энэхүү Нууцлалын бодлого, холбогдох хууль тогтоомж, шаардлагатай тохиолдолд Хэрэглэгчийн цахим зөвшөөрлийн үндсэн дээр цуглуулж, боловсруулж, ашиглана.

3.2. Loca нь Хувийн мэдээллийг дараах зорилгоор боловсруулна:

•Аккаунт үүсгэх, нэвтрэх, утасны дугаар эсхүл имэйл хаягийг баталгаажуулах, Хэрэглэгчийг таних болон Платформын зөвшөөрөгдсөн функцийг ашиглуулах;

•Бизнес хайх, Бизнесийн профайл харуулах, IP хаягт суурилсан Ойролцоо байршилд хамаарах үр дүн, Динамик хуудас, персоналчилсан санал болон Хэрэглэгчийн сонголтод хамаарах бусад функцийг ажиллуулах

•Сэтгэгдэл, үнэлгээ, асуулт, хариулт, Бизнес нэмэх хүсэлт, зураг, файл, Чат, гомдол болон бусад Хэрэглэгчийн Контентыг оруулах, хадгалах, харуулах, техникийн хувьд ажиллуулах;

•Бизнесийн профайл эзэмших хүсэлтийг хүлээн авах, Хэрэглэгчийн төлөөлөх эрхийг шалгах, Эзэмшигчийн эрх олгох, удирдах болон холбогдох маргааныг шийдвэрлэх;

•Платформын аюулгүй байдал, найдвартай ажиллагаа, алдаа засвар, техникийн дэмжлэг, нөөцлөлт, spam, залилан, хуурамч Аккаунт, зөвшөөрөлгүй нэвтрэлт болон бусад хууль бус үйлдлийг илрүүлэх, урьдчилан сэргийлэх;

•Хэрэглэгчийн хүсэлт, гомдол, report, дахин хянуулах хүсэлт, нууцлалтай холбоотой хүсэлтийг хүлээн авах, шалгах, шийдвэрлэх;

•OTP, нэвтрэлтийн анхааруулга, Чат, Аккаунт, аюулгүй байдал, Платформын ажиллагаа болон Нөхцөлийн чухал өөрчлөлттэй холбоотой үйлчилгээний мэдэгдэл илгээх;

•Loca-ийн шинэ боломж, Бизнесийн мэдээлэл, санал, урамшуулал болон бусад маркетингийн мэдэгдлийг имэйл, SMS, аппын push эсхүл веб push мэдэгдлээр илгээх.

•Платформын ашиглалт, техникийн ажиллагаа, аюулгүй байдал, Хэрэглэгчийн туршлагыг сайжруулах зорилгоор нэргүйжүүлсэн эсхүл нэгтгэсэн хэлбэрээр дүн шинжилгээ хийх.

3.3. Loca нь Хувийн мэдээллийг 3.2-т заасан зорилгоос өөр зорилгоор боловсруулахгүй. Шинэ эсхүл анхны зорилгоос үл нийцэх зорилгоор боловсруулах шаардлага үүсвэл Loca нь холбогдох хууль тогтоомжид нийцүүлэн Хэрэглэгчид урьдчилан мэдээлж, шаардлагатай тохиолдолд нэмэлт зөвшөөрөл авна.

3.4. Аккаунт, аюулгүй байдал, OTP, нэвтрэлт, Чат, хүсэлт, гомдол, техникийн ажиллагаа болон Нөхцөлийн чухал өөрчлөлттэй холбоотой үйлчилгээний мэдэгдэл нь маркетингийн мэдэгдэлд хамаарахгүй бөгөөд Платформын үйлчилгээ, аюулгүй ажиллагааг хангах шаардлагатай хүрээнд илгээгдэж болно.

4.1. Loca нь Платформыг ажиллуулах, Хэрэглэгчид холбогдох функцийг ашиглуулах, аюулгүй байдлыг хангах зорилгоор дараах Хувийн мэдээллийг цуглуулж, боловсруулж болно.

•Аккаунт ба баталгаажуулалтын мэдээлэл

Утасны дугаар, имэйл хаяг;

OTP болон имэйлээр баталгаажуулалт хийсэн тухай мэдээлэл;

Аккаунт үүсгэсэн, нэвтэрсэн, хаасан, устгах хүсэлт гаргасан огноо, цаг болон холбогдох бүртгэл;

Хэрэглэгчийн Платформ дахь тохиргоо, мэдэгдэл хүлээн авах сонголт.

•Техникийн ба ашиглалтын мэдээлэл

IP хаяг, хөтөч, төхөөрөмжийн төрөл, үйлдлийн систем, аппликэйшний хувилбар, хэлний болон цагийн бүсийн тохиргоо;

Нэвтрэлтийн болон аюулгүй байдлын лог, түүний дотор нэвтрэх огноо, цаг, баталгаажуулалтын оролдлого, Аккаунттай холбоотой техникийн үйлдлийн бүртгэл;

Cookie, local storage болон түүнтэй адилтгах технологиор үүсэх сесс, нэвтрэлт, тохиргоо болон Платформын ашиглалттай холбоотой мэдээлэл;

Хайлтын түлхүүр үг, сонгосон ангилал, шүүлтүүр, Бизнесийн профайл үзсэн болон хадгалсан мэдээлэл, Платформын функцтэй харилцсан бүртгэл.

•Байршил ба персоналчлалын мэдээлэл

IP хаяг болон бусад техникийн дохионоос тооцоолсон Ойролцоо байршил;

Хэрэглэгчийн сонгосон ангилал, сонирхол, хадгалсан Бизнес, хайлтын ерөнхий түүх, тохиргоо болон Динамик хуудас, персоналчилсан санал харуулахад ашиглах бусад мэдээлэл.

•Хэрэглэгчийн оруулсан Контент ба харилцаа

Сэтгэгдэл, үнэлгээ, асуулт, хариулт, тайлбар, засварын санал, Бизнес нэмэх хүсэлт;

Зураг, видео, файл, холбоос болон тэдгээрт агуулагдах мэдээлэл;

Чатын мессеж, хавсралт, илгээсэн болон хүлээн авсан огноо, цаг, холбогдох техникийн бүртгэл;

Гомдол, дахин хянуулах хүсэлт, тэдгээртэй холбоотой тайлбар, баримт, харилцаа.

•Бизнесийн профайл ба Эзэмших хүсэлттэй холбоотой мэдээлэл

Бизнесийн профайлд оруулсан Бизнесийн нэр, хаяг, байршил, ажиллах цаг, холбоо барих мэдээлэл, үйлчилгээ, үнэ, урамшуулал, зураг, лого, меню, холбоос болон бусад Контент;

Эзэмших хүсэлт гаргасан Хэрэглэгчийн нэр, албан тушаал, Бизнесийн нэрийн өмнөөс үйлдэх эрхтэйг нотлох тайлбар, холбоо барих мэдээлэл, зураг, видео, баримт болон бусад баталгаажуулалтын материал;

Эзэмших хүсэлтийг хүлээн авсан, шалгасан, зөвшөөрсөн, татгалзсан, түдгэлзүүлсэн эсхүл цуцалсан тухай бүртгэл.

4.2. Хэрэглэгч нь Платформд оруулсан Контент, Чат, зураг, файл, Эзэмших хүсэлтийн баримтад өөрийн болон гуравдагч этгээдийн Хувийн мэдээлэл агуулагдаж болзошгүйг анхаарна. Хэрэглэгч нь ийм мэдээллийг оруулахдаа холбогдох хууль тогтоомж, энэхүү Нууцлалын бодлого болон Үйлчилгээний нөхцөлийг мөрдөнө.

4.3. Хэрэглэгчийн оруулсан зураг, файлд байршил, огноо, төхөөрөмжийн мэдээлэл болон бусад мета өгөгдөл агуулагдсан байж болно. Loca нь ийм мета өгөгдлийг автоматаар устгах баталгаа гаргахгүй бөгөөд Хэрэглэгч оруулах файл, зургийнхаа агуулга, мета өгөгдлийг урьдчилан шалгах үүрэгтэй.

4.4. Loca нь Хэрэглэгчээс иргэний үнэмлэхийн дугаар, паспортын мэдээлэл, банкны картын дугаар, дансны нууц үг, OTP, эрүүл мэндийн, биометрийн болон бусад эмзэг мэдээллийг Платформын ердийн функцээр зориудаар шаардахгүй.

4.5. Хэрэглэгч Чат, Контент, зураг, файл эсхүл бусад сувгаар 4.4-д заасан мэдээлэл, эсхүл өөрийн болон гуравдагч этгээдийн эмзэг мэдээллийг сайн дураар оруулсан тохиолдолд Loca нь тухайн мэдээллийг Платформын техникийн ажиллагаа, аюулгүй байдал, гомдол шийдвэрлэх, хууль ёсны шаардлагыг биелүүлэхэд зайлшгүй шаардлагатай хүрээнд боловсруулж болно.

5.1. Мэдээллийг ашиглах

•Loca нь 4 дүгээр бүлэгт заасан Хувийн мэдээллийг зөвхөн 3 дугаар бүлэгт заасан зорилгоор, энэхүү Нууцлалын бодлого болон холбогдох хууль тогтоомжид нийцүүлэн ашиглана.

•Loca нь Платформын ашиглалт, хайлт, хадгалсан Бизнес, тохиргоо болон бусад харилцан үйлчлэлийн мэдээлэлд үндэслэн Динамик хуудас, персоналчилсан хайлтын үр дүн, Бизнесийн санал болон холбогдох агуулгыг харуулж болно.

•Loca нь Платформын ажиллагаа, аюулгүй байдал, Хэрэглэгчийн туршлагыг сайжруулах зорилгоор мэдээллийг нэргүйжүүлсэн эсхүл нэгтгэсэн хэлбэрээр дүн шинжилгээ хийж ашиглаж болно.

5.2. Хадгалах хугацаа

•Loca нь Хувийн мэдээллийг 3 дугаар бүлэгт заасан зорилгыг хэрэгжүүлэхэд шаардлагатай хугацаанд болон энэ зүйлд заасан хугацаанд хадгална.

•Өөр хугацаа хууль тогтоомж, эрх бүхий байгууллагын шаардлага, идэвхтэй гомдол, маргаан, аюулгүй байдлын шалгалт эсхүл нотлох баримт хадгалах хэрэгцээгээр шаардагдаагүй бол Loca дараах хугацааг баримтална:

•Мэдээллийн төрөл — Хадгалах хугацаа

•Аккаунтын үндсэн мэдээлэл — Аккаунт идэвхтэй байх хугацаа болон Аккаунт хаасан, устгах хүсэлт гаргаснаас хойш 90 хоног хүртэл

•Нэвтрэлт, OTP, аюулгүй байдлын лог — Үүссэн өдрөөс хойш 180 хоног хүртэл

•Сэтгэгдэл, үнэлгээ, асуулт, хариулт — Аккаунт идэвхтэй байх хугацаанд; Аккаунт устах үед Хэрэглэгчийг шууд тодорхойлох мэдээллээс салган нэргүйжүүлж хадгалж болно

•Хэрэглэгч Аккаунтаа хаах, устгах хүсэлт гаргасан тохиолдолд Loca нь тухайн Аккаунттай шууд холбогдох Хувийн мэдээллийг устгах, эсхүл нэргүйжүүлэх арга хэмжээ авна. Харин Платформ дээр нийтэд ил байсан сэтгэгдэл, үнэлгээ, асуулт, хариултыг Хэрэглэгчийг шууд тодорхойлох боломжгүй хэлбэрт шилжүүлж хадгалж болно.

•Хууль тогтоомж, эрх бүхий байгууллагын шаардлага, идэвхтэй гомдол, маргаан, залилан, аюулгүй байдлын зөрчил, эсхүл нотлох баримт хадгалах зайлшгүй хэрэгцээ үүссэн тохиолдолд Loca нь холбогдох мэдээллийг асуудал шийдвэрлэгдэх хүртэл шаардлагатай хэмжээнд хадгалж болно.

5.3. Чатын нууцлал

•Loca нь Хэрэглэгч болон Бизнес, Эзэмшигчийн хооронд солилцсон Чатын агуулгыг ердийн байдлаар унших, хянах, модерац хийх зорилгоор ашиглахгүй.

•Системийн аюулгүй байдал, техникийн доголдол, нөөцлөлт, хууль тогтоомжийн шаардлага, эсхүл Хэрэглэгчийн гаргасан гомдол, хүсэлттэй холбоотой зайлшгүй нөхцөл үүсвэл Loca-ийн эрх бүхий, хязгаарлагдмал ажилтан шаардлагатай хэмжээнд холбогдох Чатын мэдээлэлд хандаж болно.

5.4. Мэдээллийн аюулгүй байдал

•Loca нь Хувийн мэдээллийг зөвшөөрөлгүй хандах, ашиглах, өөрчлөх, задруулах, алдах, устахаас хамгаалах зорилгоор зохистой техникийн болон зохион байгуулалтын арга хэмжээ авна.

•Loca нь Хувийн мэдээлэлд хандах эрхийг ажил үүргийн шаардлагаар хязгаарлаж, зөвхөн эрх бүхий ажилтан, гэрээт үйлчилгээ үзүүлэгчид шаардлагатай хэмжээнд хандах боломж олгоно.

•Хэрэглэгч нь өөрийн утасны дугаар, имэйл хаяг, OTP, нэвтрэх төхөөрөмж болон Аккаунтын аюулгүй байдлыг хамгаалах үүрэгтэй. Хэрэглэгч Аккаунт нь зөвшөөрөлгүй ашиглагдсан, нууцлал алдагдсан эсхүл аюулгүй байдалд эрсдэл үүссэн гэж сэжиглэсэн тохиолдолд Loca-д нэн даруй мэдэгдэнэ.

•Loca нь Хувийн мэдээллийн аюулгүй байдлын зөрчил илэрсэн тохиолдолд Нууцлалын бодлого болон холбогдох хууль тогтоомжийн дагуу зохих арга хэмжээ авч, шаардлагатай нөхцөлд Хэрэглэгчид мэдэгдэнэ.

6.1. Loca нь Хэрэглэгчийн Хувийн мэдээллийг худалдах, түрээслэх, эсхүл гуравдагч этгээдийн бие даасан ашиг олох зорилгоор дамжуулахгүй.

6.2. Loca нь Платформыг ажиллуулах, 3 дугаар бүлэгт заасан зорилгыг хэрэгжүүлэхэд шаардлагатай хэмжээнд дараах этгээдэд Хувийн мэдээлэл дамжуулах, эсхүл тэдгээрээр боловсруулж болно:

•үүлэн дэд бүтэц, сервер, өгөгдөл хадгалалт, нөөцлөлт, файл хадгалалт, сүлжээ болон аюулгүй байдлын үйлчилгээ үзүүлэгч;

•SMS/OTP, имэйл, аппын push, веб push, мэдэгдэл хүргэх үйлчилгээ үзүүлэгч;

•газрын зураг, байршил, геокодинг, аналитик, алдаа илрүүлэх, техникийн дэмжлэгийн үйлчилгээ үзүүлэгч;

•Loca-ийн эрх бүхий ажилтан, гэрээт ажилтан, зөвлөх, аудитын болон хууль зүйн үйлчилгээ үзүүлэгч;

•Хэрэглэгчээс хүссэн, эсхүл Платформын функцээр зайлшгүй шаардлагатай гуравдагч талын үйлчилгээ үзүүлэгч;

•хууль тогтоомж, шүүх, эрх бүхий төрийн байгууллагын хууль ёсны шаардлагын дагуу холбогдох этгээд.

6.3. 6.2-т заасан үйлчилгээ үзүүлэгч, ажилтан болон бусад этгээд нь Хувийн мэдээллийг зөвхөн Loca-ийн заавар, холбогдох гэрээ, энэхүү Нууцлалын бодлого болон хууль тогтоомжид нийцүүлэн, үйлчилгээ үзүүлэхэд шаардлагатай хүрээнд боловсруулна.

6.4. Хэрэглэгч нь Чат, сэтгэгдэл, үнэлгээ, асуулт, хариулт, Бизнесийн профайл, Бизнес нэмэх хүсэлт, зураг, файл эсхүл бусад Контентод өөрийн мэдээлэл, эсхүл гуравдагч этгээдийн мэдээллийг нийтэлсэн тохиолдолд тухайн мэдээлэл нь Платформын функц, Контентын харагдац болон Хэрэглэгчийн сонголтоос хамааран бусад Хэрэглэгч, Бизнес, Эзэмшигч эсхүл олон нийтэд харагдаж болно.

6.5. Loca нь Платформыг ажиллуулахад ашиглах сервер, үүлэн дэд бүтэц, үйлчилгээ үзүүлэгчийн байршлаас шалтгаалан Хувийн мэдээллийг Монгол Улсаас гадуур хадгалах, боловсруулах, дамжуулах шаардлага үүсч болно. Ийм тохиолдолд Loca нь холбогдох хууль тогтоомжийн шаардлагад нийцсэн хамгаалалтын арга хэмжээ авч, Хувийн мэдээллийг энэхүү Нууцлалын бодлогод заасан зорилго, хүрээнээс хэтрүүлэхгүйгээр боловсруулна.

6.6. Loca нь Хувийн мэдээллийг гуравдагч этгээдэд дамжуулахтай холбоотой шаардлагатай мэдээллийг Платформын тухайн үеийн шийдэл, холбогдох хууль тогтоомж болон Нууцлалын бодлогод заасан журмаар Хэрэглэгчид мэдээлж болно.

7.1. Хэрэглэгч нь холбогдох хууль тогтоомж болон энэхүү Нууцлалын бодлогод заасан хүрээнд өөрийн Хувийн мэдээлэлтэй холбоотой дараах эрхийг хэрэгжүүлж болно:

•Loca өөрийнх нь ямар Хувийн мэдээлэл цуглуулж, боловсруулж буй талаар мэдээлэл авах;

•буруу, дутуу, хуучирсан Хувийн мэдээллээ засах, шинэчлэх хүсэлт гаргах;

•хууль болон энэхүү Нууцлалын бодлогод нийцсэн тохиолдолд Хувийн мэдээллээ устгуулах, нэргүйжүүлэх, эсхүл боловсруулахыг хязгаарлуулах хүсэлт гаргах;

•Хэрэглэгчийн зөвшөөрөлд үндэслэсэн боловсруулалтын зөвшөөрлөө цуцлах;

•маркетингийн имэйл, SMS, аппын push, веб push мэдэгдэл хүлээн авахыг хязгаарлах, цуцлах;

•Хувийн мэдээлэлтэй холбоотой гомдол, санал, хүсэлт гаргах.

7.2. 7.1.3-д заасан эрхийг хэрэгжүүлсэн нь Loca-д хууль тогтоомжийн дагуу хадгалах үүрэгтэй, идэвхтэй маргаан, гомдол, аюулгүй байдлын шалгалт, залилангаас урьдчилан сэргийлэх эсхүл нотлох баримт хадгалах шаардлагатай мэдээллийг шууд устгах үндэслэл болохгүй.

7.3. Хэрэглэгч 7.1-д заасан хүсэлт, гомдлоо Платформын тохиргоо, тухайн мэдэгдэл дэх татгалзах боломж, 2.2-т заасан нууцлалын асуудал хүлээн авах имэйл хаяг, эсхүл Loca-аас албан ёсоор заасан бусад сувгаар гаргаж болно.

7.4. Хүсэлт, гомдолд Хэрэглэгчийн Аккаунтыг танихад шаардлагатай мэдээлэл, хүсэлтийн агуулга, үндэслэл болон боломжтой тохиолдолд холбогдох баримт, тайлбарыг хавсаргана.

7.5. Loca нь хүсэлт, гомдлыг шийдвэрлэхийн өмнө Хэрэглэгчийн хэн болохыг баталгаажуулах, мөн нэмэлт мэдээлэл, тайлбар эсхүл баримт шаардаж болно.

7.6. Loca нь хүсэлт, гомдлыг хүлээн авснаас хойш боломжит хугацаанд, холбогдох хууль тогтоомж болон тухайн хүсэлтийн шинжээс хамааран шийдвэрлэж, үр дүнг Хэрэглэгчид мэдэгдэнэ.

7.7. Хэрэглэгч Аккаунтаа хаах, устгах хүсэлт гаргаж болно. Аккаунт устгах хүсэлт гаргасан нь тухайн Аккаунттай холбоотой Хувийн мэдээллийг 5.2-т заасан хугацаа, журмаар устгах, нэргүйжүүлэх эсхүл шаардлагатай хэмжээнд хадгалах үндэслэл болно.

7.8. Хэрэглэгчийн Платформ дээр нийтэд ил байсан сэтгэгдэл, үнэлгээ, асуулт, хариултыг Аккаунт устсан тохиолдолд Хэрэглэгчийг шууд тодорхойлох боломжгүй хэлбэрт шилжүүлж, нэргүйжүүлэн хадгалж болно.

7.9. Хэрэглэгч нь өөрийн оруулсан Контентыг Платформын техникийн боломжийн хүрээнд устгах, засах хүсэлт гаргаж болно. Гэхдээ хууль тогтоомж, идэвхтэй гомдол, маргаан, аюулгүй байдлын шалгалт, гуравдагч этгээдийн эрхийг хамгаалах эсхүл нотлох баримт хадгалах шаардлага үүссэн тохиолдолд Loca тухайн Контентыг шаардлагатай хугацаанд хадгалж болно.

7.10. Хэрэглэгч нь Loca өөрийн Хувийн мэдээллийг энэхүү Нууцлалын бодлого, Үйлчилгээний нөхцөл эсхүл холбогдох хууль тогтоомжид нийцээгүй байдлаар боловсруулсан гэж үзвэл 7.3-т заасан журмаар гомдол гаргаж болно.

7.11. Хэрэглэгч Loca-ийн хариу, шийдвэртэй санал нийлэхгүй бол холбогдох хууль тогтоомжийн дагуу эрх бүхий байгууллага, шүүх эсхүл бусад маргаан шийдвэрлэх байгууллагад хандах эрхтэй.

8.1. Loca нь хууль тогтоомжийн өөрчлөлт, Платформын үйлчилгээ, техник, аюулгүй байдал, ашиглаж буй гуравдагч талын үйлчилгээ үзүүлэгч, Хувийн мэдээлэл боловсруулах зорилго, төрөл, хадгалах хугацаа эсхүл бусад зохистой үндэслэлээр энэхүү Нууцлалын бодлогод өөрчлөлт оруулж болно.

8.2. Loca нь Нууцлалын бодлогын шинэчилсэн хувилбарыг Платформ дээр нийтэлж, хүчин төгөлдөр болох огноо болон сүүлд шинэчлэгдсэн огноог тодорхой заана.

8.3. Шинэ эсхүл анхны зорилгоос үл нийцэх зорилгоор Хувийн мэдээлэл боловсруулах, эсхүл Хэрэглэгчийн зөвшөөрөл шаардагдах өөрчлөлт оруулах тохиолдолд Loca нь холбогдох хууль тогтоомжийн дагуу Хэрэглэгчид урьдчилан мэдээлж, шаардлагатай бол нэмэлт зөвшөөрөл авна.

8.4. Хууль тогтоомж, эрх бүхий байгууллагын шаардлага, аюулгүй байдлын яаралтай эрсдэл, эсхүл Платформын хэвийн ажиллагааг хамгаалах шаардлагын улмаас Loca Нууцлалын бодлогын өөрчлөлтийг богино хугацаанд эсхүл нэн даруй хүчин төгөлдөр болгож болно.

8.5. Хэрэглэгч шинэчилсэн Нууцлалын бодлоготой санал нийлэхгүй бол Платформын ашиглалтыг зогсоох, Аккаунтаа хаах эсхүл 7 дугаар бүлэгт заасан эрх, хүсэлтээ хэрэгжүүлэх боломжтой.

9.1. Энэхүү Нууцлалын бодлогоор зохицуулаагүй Хувийн мэдээлэлтэй холбоотой харилцааг Монгол Улсын холбогдох хууль тогтоомж болон Loca-ийн Үйлчилгээний нөхцөлийн дагуу зохицуулна.

9.2. Энэхүү Нууцлалын бодлогын аль нэг заалт хүчин төгөлдөр бус, хэрэгжих боломжгүй эсхүл холбогдох хууль тогтоомжтой зөрчилтэй гэж тогтоогдсон тохиолдолд тухайн заалтыг хуульд нийцэх хүрээнд тайлбарлах буюу хэрэглэх бөгөөд бусад заалтын хүчин төгөлдөр байдалд нөлөөлөхгүй.