Ойм ногоон урлан

ОЙМ Ногоон Урлан нь 2005 оны 3 дугаар сарын 3-ны өдөр Dream Green service нэртэй компани гурван хүнтэй байгуулагдаж, Улаанбаатар хотын ногоон байгууламж, мандлын цэцгийг тарьж эхэлснээр өнөөдрийн Ойм Ногоон урлан бий болох эхлэл тавигдаж байжээ. 2008 оноос өөрсдийн хүлэмжтэй болж тасалгааны цэцэг, ургамал тарьж эхэлсэн нь 3 үе дамжсан гэр бүлийн уламжлалт бизнесийг дараагийн түвшинд гаргах гол хүчин зүйл болсон юм. Энэхүү бизнес ээжээс охин, охиноос зээ охинд өвлөгдсөөр өнгөрсөн хугацаанд 180,000 гаруй мандлын цэцэг, 22 000 орчим модлог ургамал, 180 000 хол давах тасалгааны цэцгийг тарьж ургуулаад байна. 2018 оноос Ойм ногоон урлан гэх тодотголтой, өөрсдийн өнгө аясыг шингээсэн салбар дэлгүүрүүдээ нээсээр одоо Улаанбаатар хотод долоон салбар дэлгүүртэй болоод байна.