Монгол наадам цогцолбор

"Монгол наадам цогцолбор"ОНӨТҮГ-ын танилцуулга, зорилго, зорилт, үйл ажиллагааны чиглэл Монгол Наадам Цогцолбор ОНӨТҮГазар нь Үндэсний их баяр наадам болон олон нийтийн тив, дэлхийн олон улсын чанартай баяр наадам, арга хэмжээнүүдийг нэг дор зохион байгуулах зорилготойгоор мөн Хүй долоон худаг -ыг үндэсний бахархалт цогцолбор болгохоор зорин ажиллаж байна. Хүй долоон худагт хийгддэг томоохон баяр наадмуудын тухайд ; Үндэсний Их Баяр Наадам – Хурдан морины уралдаан Хүрээ цам, даншиг наадам Хаврын бүсийн хурдан морины уралдаан "Монгол хүү" хүүхдийн баярын арга хэмжээ Адуучин тэмцээн Талын салхи- Мото спорт сонирхогчдын наадам Шилмэл мал сүргийн үзэсгэлэн Монголын үндэсний спортын наадам Эрүүл иргэн- Эко хөгжил спорт өдөрлөг Байгууллагуудын ойн баяр, наадмууд тогтмол амжилттай амжилттай зохион байгуулагдсаар байна. Монгол Наадам Цогцолборын газар нутгийн хамрах хүрээ нь 12582 га, Улаанбаатар хотын төв цэг Чингисийн талбайгаас Хүй долоон худгийн хөндий, наадмын талбайн төв зогсоол хүрэхэд Баруун аймгийн төв замаар 32.0 км газар юм. Төв аймгийн Аргалант сумын нутаг дэвсгэрт Хүй долоон худгийн хөндийд 4800 га талбайн 960 га тайлбайд бүтээн байгуулалтын ажил хийгдэхээр төлөвлөж байна.